د نایجیریا چارواکو او عیني شاهدینو ویلي د یوچ چرچ د چت راغورځېدو پېښه کې هلته موجود ۶۰ کسان وژل شوي دي.
د خالي په ورځ د اکوا د مرکزي ښار اویو په ريئګنرز بائبل چرچ کې یوه دستوره روانه وه چې پکې په سلګونو کسان موجود ؤ او چت پرې راغورځېدلی دی.
چرچ کې په موجودو کسانو کې د ریاست ګورنر اودوم امینئیول هم شامل ؤ ولې هغه روغ پاتې شوی دی. راپورونه وايي چرچ لا په مکمل ډول جوړ شوی نه ؤ او د دغه دستورې دپاره په تادۍ تیار کړی شوی ؤ.
د خالي په ورځ د ملبې نه ۶۰ مړي راویستل شوي او د نورو راویستو اندېښنه څرګند کړی شوې وه.
د ګورنر ویاند ویلي د پېښې به پوره پلټنې کولی شي. نایجیریا کې د ودانو راغورځېدو پېښې زیاتره رامنځته کيږي او علت د ودانو په جوړولو کې بې پرواهي کول وي.
په کال ۲۰۱۴م کې د ملک په تجارتي مرکز لاګوس کې د یو چرچ د وداني پرېوتو په پایله کې ۱۱۶ کسان وژل شوي وو.
