لاس رسیدونکی لینک

Breaking News

د پښتون ژغورنې غورځنګ جلسې ته د سیاستمدارو او خبريالانو غبرګون


د پي ټي اېم د پېښور اولسي غونډه

د پښتون ژغورنې غورځنګ (پي ټي اېم) د پېښور په پرونۍ اولسي غونډه کې که څه هم د پښتونخوا ملي عوامي ګوند پرته په ښکاره د بلې کومې سیاسي ډلې لخوا ګډون نه دی شوی خو نن ځينې سياستمدارو د پي ټي اېم غونډې ته غبرګون ویلی دی.

د پاکستان پيپلز ګوند مشر بلاول بهټو زرداري په ټیويټر ليکلي،

"د پښتون ژغورنې غورځنګ پرون يوه بله لويه غونډه کړې ده، دا ضروري نه ده چې تاسو د هغوي د هرې خبرې سره متفق شئ خو پکار ده چې هغوي واورېدل شي. او که چرته په مرکزي کچه د پاکستان د ځوان کُول دا غږ وانه ورېدل شو نو دا به داسې وي چې دوي په زوره د ځان نه لرې کول کيږي".

د پاکستان تحريک انصاف مرکزي مشرې شيري مزاري په داسې حال کې د پي ټي اېم خبرې ته د غوږ نيولو خبره کړې ده چې دغه ګوند په پېښور کې د پي ټي اېم غونډې ته د ورتلو څخه خپل غړي منع کړي وو.

مزاري ليکلي، "رياست بايد هر څوک خپل وګڼي. مونږ د بېلابيلو قوميتونو نه جوړ يو قام يُو او بايد دا زمونږ قوت جوړ شي نه چې کمزوري. زمونږ د هغو خپلو خلکو سره خبرې چې ځان د بنيادي حقونو څخه محرومه ګڼي دا د رياست او حکومت زمه واري ده بايد دوي سره خبرې وکړي".

د پاکستان تحريک انصاف ګوند د پېښور مشر شاه فرمان د ګوند غړي د پښتون ژغورنې پله د تلو څخه منع کړي وو.

د عوامي نيشنل ګوند مشر غړي افراسياب خټک که څه هم په خپل ټويټ کې نېغ په نېغه د پښتون ژغورنې غورځنګ يادګېرنه نه ده کړې خو ويلي يې دي،

خبريال مبشر زيدي د پښتون ژغورنې غورځنګ پرونۍ جلسې ته د پاکستانۍ ميډيا په کورېج نه ورکولو ټويټ کړی او ليکلي يې دي،

" نن زه د يو خبريال په حېث شرم محسوسوم چې ميډيا د پښتون ژغورنې غورځنګ د پېښور په غونډه سترګې پټې کړي دي، زه د دې غورځنګ ملاتړ کوم او په ټولو غږ کوم چې د دې برخه شي".

يو بل خبریال مبشر زېدي د پښتون ژغورنې غورځنګ په اړه ليکلي،

"عېن په داسې وخت کې چې د پولې دې غاړې ته تحفظ مومنټ پېل شوی، د پولې پورې غاړې ته هم امن غورځنګ پېل شوی دی. دلته هم د سولې په نوم مظاهرې کيږي او هلته هم د سولې دپاره پرلتونه کيږی. او په دې کې د عقل لرونکو دپاره نخښې دي".

د پاکستان په ټيلي ويژن چېنلو د پي ټي اېم پرونۍ غونډې ته په نه ښکاره سختې نيوکې هم شوي دي.

XS
SM
MD
LG