لاس رسیدونکی لینک

Breaking News

په امريکا کې ۴۰ملينه خلک غريب دي، راپور


ملګرو ملتونو په يو راپور کې ويلي دي چې په امریکا کې څلور کروړه خلک غريب، يو کروړ ۸۵ لاکه ډېر غريب او ۵۰ لاکه د غربت د کرښې لاندې ژوند تېروي.

د ملګرو ملتونو ځانګړي استازي فلپ السټن په خپل راپور کې امريکا ته د نړۍ تر ټولو پرمختللې غېر مساوي ټولنه وې او زیاته کړې يې ده چې د امريکا پاليسيانې یواځې شته منو ته ګټې رسوي او په هېواد کې د غريبو خلکو ستونزې لا پسې سېوا کيږي.

د نړيوالې ادارې استازي د صدر ډانلډ ټرمپ په حکومت په ځانګړي ډول نيوکې کړي چې د غريبو خلکو ستونزې نورې سېوا کوي.

السټن ويلي چې د دولت لخوا اسانتياوې ترلاسه کوونکي زياتره د څه نا څه دندې سره تړلي دي، او دغو خلکو ته کار نه کوونکي ويل د حقيقت پرضد دي.

استازي په راپور کې ویلي د ټرمپ د حکومت د ادعاؤ پرضد دولتي اسانتياوې ترلاسه کوونکي يواځې اووه فيصده خلک داسې دي چې کار نه کوي.

په امريکايي ټولنه کې د نابرابرۍ په اړوند دغه راپور د جمعې په ورځ د ملګرو ملتونو د بشري حقونو شورا ته وړاندې کولی شي د کوم نه چې امریکا روانه اوونۍ د پرېښودو اعلان کړی دی.

راپور کې ويل شوي امريکا په لويديځه نړۍ کې په اول نمبر ده چرته چې د شته من او غريب وېش ښکاره دی. او ويل شوي د امريکا يواځې يو فيصد ابادي د ملک د دولت د ۳۸فيصدو مالکه ده.

په راپور کې اندېښنه څرګنده کړی شوې ده چې د ټرمپ د حکومت لخوا په وروستيو کې د ۱۵کهربه ډالرو د ټېکس کټ کولو ګټه به هم شته منو ته ورسي او د غريبو حالت به لا پسې نور خراب شي.

د ملګرو ملتونو استازي وایس اف امريکا ته ویلي چې هغه په هر هېواد کې د حقايقو جاج اخلي او رپوټ جوړوي ترڅو د دغو هېوادونو حکومتونه حالاتو ښه کولو ته پام وګرځوي.

XS
SM
MD
LG