د قبايلي ضلعې باجوړه سره تعلق لرونکي ځايي سياسي مشر ملک عطاالله ته دوه کاله وروسته له هغې د هغه تابعيت يا شناختي کارډ ورکړی شوی چې دغه مسله د سېنېټ د بشري حقونو قايمه کمېټۍ راپورته کړې ده.
د ډان د رپوټ ترمخه د پښتونخوا ملي عوامي ګوند سېنېټر عثمان خان کاکړ د ملک عطاالله د تابعيت خبره راپورته کړې او د پخلي کېدو وروسته د هغه تابعیت بيرته په ځای کړی شوی دی.
د قایمې کمېټۍ مشر مصطفی کهوکهر ویلي ملک عطاالله او کورنۍ يې د باجوړ ضلعې اوسېدونکي پاکستاني دي.
عثمان کاکړ ويلي څوک چې د ترهګرۍ پرضد غږ پورته کوي د شناختي کارډ قامي اداره (نادرا) د هغه د بدنامولو دپاره کارول کيږي.
د باجوړ مرستیال کمشنر عثمان محسود ویلي د ملک عطا الله شناختي کارډ د استخباراتي ادارو په وېنا تړل شوی يا بلاک کړی شوی ؤ.
هغه ويلي د ياد تن پخلی شوی چې د باجوړ اوسېدونکی پاکستانی دی، له دغې وروسته د نادرا لوړ پوړي چارواکي ريټايرډ بريګيډيئر نثار مير د ملک عطاالله نه معافي غوښتې چې کړول شوی دی.
ويل شوي د باجوړ ياد ملک دوه ځله د قبایلي ضلعې د عوامي نيشنل ګوند مشر پاتې شوی او په سیمه کې د ترهګرۍ پرضد په غږ پورته کولو ورته غټ تاوان اوختی د زوي په ګډون يې د کورنۍ د لسو نه زیات غړي وژل شوی او په خپله پرې هم بريدونه شوي دي.
د نوموړی ملک زوي ويلي دوي ته اوس هم ګواښونه کيږي.
د نادرا ترمخه د پاکستان په ټولو صوبو کې يو لاک ۲۳ شناختي کارډونه تړل شوي دي. په تېر حکومت کې د شناختي کارډونو بلاک کولو په کار لاس پورې کړی شوی ؤ.
