لاس رسیدونکی لینک

Breaking News

شاهد افريدی وايي زړه يې غواړي چې سياست ته راشي


د پاکستان د کرکټ لوبډلې پخواني کپتان او ستوري لوبغاړي شاهد افريدي ويلي زړه يې غواړي چې سياست ته راشي او سياست ته د راتلو وړاندیزونه ورته هم کيږي.

د پاکستان ډان نیوز د شاهد افريدي له قوله دغه خبره کړې ده.

د پاکستان اوسنی وزیراعظم عمران خان هم د پاکستان د کرکټ لوبډلې کپتان ؤ، او د کرکټ نه د بس کولو وروسته یې خپل سياسي ګوند جوړ کړی ؤ.

خو شاهد افريدي د سياسي ګوند جوړولو څه نه دي ویلي.

د ډان ترمخه افريدي ويلي د ملک نه د بې روزګارۍ او غریبۍ ختمولو دپاره د کار کولو سخت ضرورت دی.

د چا د نوم اخستو پرته پخواني کپتان ویلي خبرې او وعدې ډېرې شوي پکار ده چې وعدې پوره کړی شي د بې روزګارۍ او تعليم مسلې هوارې کړی شي.

د پاکستان تحریک انصاف ګوند په حکومت يې مخالفين ټکونه کوي چې په حکومت کې د راتلو نه وړاندې يې کومې وعدې کړې وې په هغو پوره کولو کې پاتې راغلی دی.

افریدي ويلي دا وخت د خېرښېګړې په خپله غېر دولتي اداره کار کوي او هغه کار کوي کوم چې يو سياستوال کوي.

XS
SM
MD
LG