لاس رسیدونکی لینک

 
د امریکا او چین ترمنځ د کشیدګیو د کمولو هڅه: خارجه وزیرانو یې ملاقات وکړ
تازه خبر

د امریکا او چین ترمنځ د کشیدګیو د کمولو هڅه: خارجه وزیرانو یې ملاقات وکړ


واشنګټن - د امریکا خارجه وزیر انټني بلېنکن د خالي/شنبې په ورځ د چین د خارجه وزیر وانګ یي سره د جرمني په مونیخ ښار کې ملاقات وکړ او ورته یې وویل چې د چین د لوړ پروازه څارونکي بالون په ذریعه د امریکا د فضایي حدودو خلاف ورزي باید هېڅ کله تکرار نشي.

د امریکا خارجه وزارت ویلي چې دا ملاقات شاوخوا یوه ګېنټه اوږد شو او په دې لړ کې ښاغلي بلېنکن د چین جګپوړي سفارتکار ته، نېغ په نېغه او سپینې خبرې وکړې.

د امریکا د خارجه وزارت ترجمان نېډ پرایس د دې ملاقات نه پس په یو بیان کې وویل: "خارجه وزیر [انټني بلېنکن] واضحه کړه چې امریکا به پخپلې خودمختارۍ باندې د هر ډول خلاف ورزۍ په وړاندې ودریږي، او بله دا چې د چین د لوړ پروازه څارونکي/سروېلانس بالون پروګرام – کوم چې په پنځو براعظمونو کې د څه باندې څلوېښتو (۴۰) ملکونو په فضایی حدودو کې یې دخل اندازي کړې ده – اوس نړۍ ته رسوا شوی دی."

د نېډ پرایس وینا وه چې ښاغلي بلېنکن د چین خارجه وزیر وانګ یي ته دا خبرداری هم ورکړ چې، "که چین د روس دپاره د وسایلو مرسته وکړي یا د پابندیو نه د خلاصون د لارو چارو په مد کې ورسره امداد وکړي، نو دا به [د چین دپاره] اثرات او نتایج ولري."

د چین سرکاري خبري مېډیا رپوټ ورکړی چې د هغه ملک خارجه وزیر وانګ یي، د امریکا په خواهش د بلېنکن سره ملاقات کړی، او بل دا چې ښاغلي وانګ د چین "کلک موقف" ورته بیان کړی او د امریکا نه یې غوښتي چې "لاره بدله" کړي او د امریکا لخوا د "طاقت د غلط استعمال" له وجې چې دوه اړخیزو تعلقاتو ته کوم زیان رسېدلی، هغه دې بېرته مرمت کړي.

د امریکا او چین خارجه وزیرانو دا ملاقات د مطبوعاتو د نظرونو پټ تر سره کړی او داسې ښکاري چې دواړه ملکونه کوښښ کوي خپل ترمنځ پیدا شوي تناوونه راکم کړي.

دا ملاقات چې جرمني کې د مونیخ امنیتي کنفرنس سره په خوا کې شوی دی، د امریکا له اړخه د چینایي بالون/غبارې د رانسکوره کولو وروسته د دواړو ملکونو د جګپوړو سفارتکارانو اولنۍ لیدنه ګڼل کیږي.

بل اړخ ته د خالي/شنبې په ورځ د امریکا نایب صدرې کامېلا هېرس وویل چې د کله نه روس په اوکراین یرغل کړی دی، بجینګ د روس سره خپل تعلقات لا پسې مضبوطه کړي چې دې خبرې امریکا پرېشانه کړی دی.

هېلو وي او اې په ټي وي

هېلو وي او اې په ټي وي
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 59:58 0:00
  • Auto
  • 240p
  • 360p
  • 480p
  • 720p
  • 1080p

بي بي شیرینه

بي بي شیرینه: په ټیلې ویژن
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 1:59:59 0:00
  • Auto
  • 240p
  • 360p
  • 480p
  • 720p
  • 1080p

Recommended

XS
SM
MD
LG