لاس رسیدونکی لینک

Breaking News

سترې محکمې پر ملى مصالحتي قانون عملدرامد ودرولی دی


دپاکستان سترې محکمې دملي مصالحتي آرډيننس لاندې دماتحت عدالتونو په فيصلو دعملدرآمد ودرولو حکم کړى دى اؤ وئيلي يې دي چې دارډيننس په بابله تر فيصلې راتلو به دعدالتونو په فيصلو عمل درامد نۀ کيږي.
سترې محکمې جانبينو ته نوټسونه جاري کړي دي.
دسترې محکمې درئيس قاضي افتخار محمدچوهدري په مشرۍ کې درې کسيزه څانګه دملي مصالحتي آرډيننس په ضد دپينځوؤ ائيني درخواستونو دسماعت دپيل کيدو په مهال ستر قاضي افتخار محمدچوهدري وويل چې دا داهم نويت مقدمه ده نو بيا څنګه دا ټوله تماشه روانه ده؟
لويې څارنوال دې عدالتي معاون مقرر کړي.
سترې محکمې دسماعت په وخت دارډيننس په دفعو دعمل درامد ايسارولو حکم وکړو. دملى مصالحتي ارډيننس په ضد ددرخواست ورکونکي ډاکټر مبشر حسن وکيل دسماعت په مهال پخپلو دلائيلو کې وويل چې ملى مصالحتي ارډيننس ديوې ځانګړې طبقې لپاره جاري کړى شوى دى. چې مقصد يې په سياسى ناړامو دمعافۍ څادر خورول دي.
فاضل عدالت دمقدمې نور سماعت تر دريوؤ اوونيو وځنډولو دسترې محکمې په دې څانګه کې قاضي سردار محمد رضا خان، قاضي محمدنواز عباسي اؤ قاضي ميا شاکرالله جان شامل دي.
ملى مصالحتي ارډيننس مبشر حسن ، روئيداد خان، قاضي حسين احمد، طارق اسد اؤ اسلم خاکي عدالت کې چيلنج کړى دى.

XS
SM
MD
LG