دپاکستان اتومي وسلې غير خوندي لاسونو ته پريوتلى شي: جنرال مشرف

دپاکستان جمهوررئيس جنرال پرويز مشرف ويلي دي کۀ چرې عامې ټولټاکنې په سوله ايزه توګه ونۀ شي نوپه دغه هيواد کې دګډوډۍ خوريدو او داتومي وسلو په غيرخوندي لاسونو کې دکي وتلوويره ده.
دبرطانوي نشراتي ادارې سره په مرکه کې جنرال پرويز مشرف وويل ترڅو چې زۀ دپوځ سره په واک کې يم نو اتومي وسلې به خوندي وي.
جمهوررئيس مشرف دپيپلز ګوند په مشرې سخت ټکونه وکړل او وې ويل بې نظير بوټو غواړي په هيواد کې ټولټاکنې ترسره نۀ شي .
دۀ وويل بې نظير بوټو يوه درغله اوغيرمقبوله مشره ده او په عامو ټولټاکنو کې ددې ګوند برياليتوب نۀ شي ترلاسى کولى.
خو کۀ چرې پيپلز ګوند په ټولټاکنو کې ماتې وخوري نو تندرويه قوتونه به واک ته لار ومومي او دغسې به دپاکستان اتومي وسلو ته ګواښ پيښ شي.
جنرال مشرف په موقتي دولت دبې نظير بوټو نيوکې رد کړې او وې ويل مونږ دسياسي ګوندونو څخه دموقت دولت دپاره نومونه غوښتي وؤ خو هغوي رانۀ کړل. جنرال مشرف وويل کۀ چرته بې نظير بوټو اړى ګړى جوړول غواړي نو دولت ته به يې دې کار ته پرې نۀ ږدى.