نیویارک ټائمز: پاکستان کې د تر هگرو پر ضد عملیاتو لپاره د امریکې وړاندیزونه

د امریکې ورځپانړه نیویارک ټائمز ویلي چې د امریکې استخباراتو جگپوړي چارواکي جمهوررئیس پرویز مشرف نه په پاکستان کې د القائدی او طالب جنگیالو پر ضد زیاتو امریکایي عملیاتو اجازه اخستلو لپاره روانه میاشت د پاکستان په سفر تللي وؤ.
ورځپانړه وایي پرویز مشرف د امریکا د قامي استخباراتو دائریکټر میک میکلن او د سي آ اې دائریکټر جنرل مایکل هیډن لخوا وړاندې شوې دغه وړاندیز په مکمله توگه رد کړو.
اخبار زیاتوي چې دغه دوه جگپوړي امریکایي چارواکي د جنورۍ په نهمه نیټه پاکستان ته تللي وؤ.
د امریکې د دفاع وزیر رابرټ گیټس په واشنگټن کې د زیارت په ورځ ویلي وؤ چې امریکا د اسلامي جنگیالو پرضد دپاکستاني ځواکونو سره په گډه پوځي عملیاتو لپاره چمتو ده.
ښاغلي گیټس په خپله وینا کې ویلي وؤ چې پاکستان دداسې قسم مرستې په اړه درخواست نه دې کړی.