د امريکې صدر براک اوباما وايي القاعده او ملگرو يې دافغانستان څخه خپلې ځالې دپاکستان لرې پرتو قبائيلي سيمو ته وړلي دي.
دامريکايي رياست ايريزونا په فينکس ښار کې دپخوانيو پوځيانو غونډې ته پخپله وينا کې صدر اوباما وويل چې په افغانستان کې نۀ خو تندلاريتوب شپه په شپه پيل شوى ؤ اؤ نۀ هم دا سملاسي ختميدلى شي.
ښاغلي اوباما وويل په افغانستان کې دطالبانو په ضد دسم لاسي گټې هيله نۀ شي کيدلى.
نوموړي وويل د١١م ستمبر دبريدونو ترسره کوونکي يو ځل بيا په امريکا دحملې پلان جوړوي.
دهغه وينا وه په پاکستان او افغانستان کې په لنډه موده کې ترهه گري نۀ شي ختميدلى.
هغه وويل دترهه گرۍ په ضد روانه جگړه داولس ددفاع لپاره ضروري ده.
1
