د افغانستان د استازو او طالبانو ترمنځ د قطر په دوهه کې ترسره شویو پټو خبرو اترو په اړه افغان چارو کارپوه او خبریال سمیع یوسفزي ډیوه راډیو ته ویلي، لدې لیده کاتو څخه افغانانو ته یو ښه پیغام ورکړل شوی خو ښايي دغه بهیر لږ وخت ونیسي.
پدې اړه د ښاغلي یوسفزي یو ځانګړی راپور د بریتانیا ګارډین ورځپاڼې چاپ کړیدی.
ښاغلي یوسفزي وویل طالبان د پاکستان له فشار څخه د وتلو هڅه کوي خو پاکستان نه غواړي چې طالبان په بشپړه توګه له لاسه ورکړي.
نوموړي اندیښنه څرګنده کړه چې کیدای شي پاکستان په راتلونکې کې طالب مشرتابه ته سرخوږی جوړ کړي خو اوس وخت دی چې پدې اړه طالبان یوه پریکړنده پریکړه وکړي.
د وي او ای خبریال نصیر احمد کاکړ د سمیع یوسفزۍ سره مرکه دلته اوریدی شئ: