لاس رسیدونکی لینک

تازه خبر

وینډي شېرمن واضحه کړې چې امریکا د پاکستان سره تعلقاتو کې تنزیل راوستی - ګارډين


د برطانیې ګارډین اخبار وایي، د امریکې جګپوړې سفارتکارې وینډي شېرمن چې کله اسلام آباد ته ولاړه، هلته یې پاکستان ته واضحه کړې چې د بایډن انتظامیې د امریکې او پاکستان ترمنځ دوه اړخیز تعلقات تنزیل کړي دي.

که څه هم د پاکستان حکومت د مېرمن شېرمن دوره اسلام آباد ته ښه وبلله او ورته خوشحاله و، مګر مخکې تر دې چې وېنډي شېرمن پاکستان ته ولاړه شي، په هماغه ورځ یې د هند په ممبئ ښار کې د یو جوړ شوي بحث په ترڅ کې، د امریکا او پاکستان ترمنځ د تعلقاتو په اړه ځیني واضحه ټکي بیان کړل او ټینګار یې وکړ چې له پاکستان سره به تعلقات په هېڅ ډول د امریکا او هند ترمنځ تعلقاتو په شان نه وي.

د امریکا د خارجه وزارت مرستیالې، وینډي شېرمن پاکستان ته د تګ مخکې، وویل چې د اسلام آباد دوره یې صرف «د یو ډېر مخصوص او لنډ مقصد» دپاره و، او هغه د افغانستان او طالبانو په باب خبرې کول و.

مېرمن شېرمن په ممبئ کې زیاته کړه: «مونږ داسې څه نه ګورو چې د پاکستان سره یو وسیع تعلقات جوړ کړو، او هېڅ دلچسپي نه لرو چې بېرته هغه د هایفینټډ هند-پاکستان (دواړو سره معادل) ورځو ته واپس وګرځو.»

امریکا د نړۍ لوی طاقت او شتمن هېواد دی، او هند و پاکستان دواړه کوشش کوي چې ورسره خپل تعلقات پراخ او مضبوطه وساتي، مګر د افغانستان د حالاتو او د سختدریځۍ سره د مبارزې په تناظر کې، په دې وروستیو کلونو کې پاکستان سره د امریکا تعلقات ساړه ښکاري. داسې رپوټونه هم ورکړل شوي چې د پاکستان حکومت څو څو ځله دا کوششونه کړي چې د امریکې صدر جو بایډن د پاکستان له وزیراعظم عمران خان سره ټلیفوني خبرې وکړي، مګر تر اوسه دا چانس ورته نه دی برابر شوی.

په افغانستان کې د امریکې د ملاتړ لاندې پخواني حکومت د ړنګېدو او واک ته د طالبانو د رسېدو نه قریب دوه میاشتې پس، دا اول ځل و چې د امریکا یوه جګپوړې چارواکې - د خارجه وزارت مرستیاله وینډي شېرمن - پاکستان ته په سفر ولاړه خو په دې سفر کې یې هم د بحث ټکي زیاتره په افغانستان پورې مربوط ګڼل شوي دي.

مېرمن شېرمن د زیارت/پنجشنبې په ورځ ناوخته د هندوستان نه پاکستان ته ورسېده او بیا د جمعې په ورځ یې په اسلام کې له خارجه وزیر شاه محمود قریشي او د قامي سلامتیا سلاکار معید یوسف سره خبرې وشوې.

د شاه محمود قرېشي سره د ملاقات وروسته مېرمن شرمن په ټوېټر خپل پېغام کې وویل د پاکستان خارجه وزیر سره یې د افغانستان د مستقبل او د امریکې او پاکستان په اوږد تعلق خبرې وکړې.

قرېشي د امریکې او پاکستان ترمنځ په مستقل ډول او د نژدې روابطو په اهمیت ټینګار وکړو چې دا ډول دواړه ملکونه مشرتکه مفاداتو ته وده ورکړي او په سیمه کې مشترک اهداف ترلاسه کړی شي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG