لاس رسیدونکی لینک

تازه خبر

زلمي خلیلزاد د پاکستاني پوځي مشر جنرل باجوه سره ولیدل


جنرل سکاټ مېلر او جنرل قمر جاويد باجوه
جنرل سکاټ مېلر او جنرل قمر جاويد باجوه

په افغانستان کې د امن دپاره امریکايي استازي زلمي خلیلزاد او په افغانستان کې د نړیوالو ځواکونو مشر امریکايي جنرل اسټن سکات مېلر د پاکستان د پوځ مشر جنرل قمر جاوېد باجوه سره په افغانستان کې د امن او د سیمې د ثبات په موضع خبرې وکړې.

د پاکستان د پوځ مطبوعاتو څانګې ايي اېس پي ار په خپله وېب پاڼه وویل په افغانستان کې د امن په اړه دواړو خواو په افغانستان کې مفاهمت په موجوده بهیر، د سیمې د ثبات او د دوه اړخیزو مفادات په موضوعاتو خبرې وکړې.

خلیلزاد او جنرل سکاټ مېلر په داسې حال کې د پاکستان په سفر دي چې د امریکې خارجه وزارت ویلي امریکې لا دا فېصله نه ده کړې چې د می د میاشت تر لومړۍ نېتې پورې به د افغانستان څخه په هېواد کې موجود ۲۵۰۰ ځواکونه راوباسي.

د افغانستان نه د امریکايي ځواکونو د وتلو دپاره دغه نېټه د امریکې او طالبانو په امن معاهده کې ټاکل شوې ده.

د امریکايي ځواکونو د انخلا په اړه د سټېټ ډپارټمنټ د دریځ نه وړاندې مطبوعاتو د افغان صدر اشرف غني په نوم د امريکې د خارجه وزیر اېنتني بلېنکن یو خط شایع کړی.

بلېنکن په خپل خط کې خبرداری کړی که چېرې افغان صدر د امن دپاره تجویزونه په چټکتیا عملي نه کړل نو بیا به په خپل سر د طالبانو د یرغل په مقابل کې ودریږي.

د وي او ای رپورټ وايي په دغو تجویزونو کې د ملګرو ملتونو د انتظام لاندې د یوې غونډې انعقاد هم دی چې په افغانستان د امن دپاره هلې ځلې ګړندۍ کړي.

کله چې وي او ای د سټېټ ډپارټمنټ سره افغان صدر ته د اېنتني بلېنکن د خط په اړه رابطه وکړه نو یوې چارواکې وویل وزارت په عامه توګه د غېرملکي مشرانو په "مبینه روابطو" خبرې نه کوي.

د سټېټ ډپارټمنټ چارواکي وویل د می د لومړۍ نېټې وروسته په افغانستان کې د ځواکونو په اړه څه فېصله نه ده شوي او "ټولې لارې چارې په میز پرتې دي."

د وي او ای رپورټ وايي لوړ رتبه افغان مامورینو او د حکومت مخالفو سیاسي مشرانو د دې خبر تصدیق کړی چې صدر اشرف غني او د سولې د عالي شورا مشر عبدالله عبدالله دغه خط ترلاسه کړی دی.

دوی وايي زلمي خلیلزاد د اېنتني بلېنکن په خط کې تجویزونو وضاحت کړی دی او د مجوزه موقتي حکومت په اړه یې هم خبرې کړي دي چې د سولې بهیر د عملي کېدو سرپرستي به کوي.

د وي او ای رپورټ وايي عبدالله عبدالله د ګل، دوشنبې، په ورځ په کابل کې یوې دستورې ته وویل چې هغه او صدر اشرف غني د اېنتني بلېنکن خط کابل ته د زلمي خلیلزاد د سفر نه دوه ورځې مخکې ترلاسه کړی و.

افغان نایب صدر امرالله صالح چې د عبدالله عبدالله ترڅنګ یې د کابل دغې غوڼدې ته وېنا کوله وویل چې افغان حکومت د اېنتني بلېنکن د خط په اړه هېڅ تشویش نه لري او نه به هم سولې دپاره دغه ډول تجویز ومني.

زلمي خلیلزاد د کابل د ورستي سفر په مهال د افغان حکومتی مامورینو، سیاستوالو او د مدني ټولنې فعالانو سره د موقتي حکومت په اړه خبرې کړي دي.

خو اشرف غني د موقتي حکومت خبره ردوي.

افغان پارلېمڼت ته د خالي، شنبې، په ورځ خپله وېنا کې اشرف غني د اقتدار انتقال د انتخاباتو دلارې کېدلی شي او هغه تیار دی چې د افغانستان د اساسي قانون دلاندې تازه انتخابات وکړي.

په کابل کې د موقتي حکومت په اړه د خبرو وروسته زلمي خلیلزاد دغه تجویز طالبانو سره هم شریک کړو او په قطر کې د طالبانو د دفتر ترجمان محمد نعیم وي او ای ته وویل په تجویز د غور وروسته به پې رسمي دریځ ورکوي.

يودونه: په واشنګټن کې د وي او ای خبریال سنېډي ساین هم په دې رپورټ کې مرسته کړي

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG