د فټ بال نړيوال تنظیم فيفا د پاکستان فټ بال فېډرېشن (پي اېف اېف) غړیتوب معطل کړی دی.
د چهارشنبې په ورځ فيفا په يو بيان کې ويلي د پاکستان فټ بال فېډرېشن غړيتوب يې ځکه معطل کړی چې د فېډرېشن په ماموريتونو کې "درېم فريق پرله پسې غېر ضروري لاس وهنه" کوي.
فيفا ويلي د پاکستافټ بال فېډرېشن دفتر او اکاؤنټونه اوس هم د عدالت لخوا ټاکل شوي يو چارواکي په لاس کې دي او دا د فيفا د قوانينو سرغړونه ده.
د غړيتوب معطل کېدو وروستو د پاکستان د فټ بال قامي لوبډله او کلب لوبډلې په هيڅ يو نړيواله دستوره کې برخه نشي اخستی.
دغه ډول د پاکستان فټ بال فېډرېشن او دې سره اړونده لوبغاړي يا چارواکي هم د فيفا يا ايشين فټ بال کنفډرېشن په کوم پرمختيايي پروګرام ، کورس، روزنه يا بل کوم پروګرام نه ګټه پورته کولی شي.
د لاهور هائيکورټ په حکم يو پخوانی جج دا وخت د پاکستافټ بال فېډرېشن ماموريتونو ګوري او مشري يې د هغه په لاس کې ده.
د فيفا د قانون ترمخه د ملک د فټ بال فېډرېشنې په خپلو کارونو کې ازادې وي او هغه د حکومت د واکه ازادې کېدل پکار وي.
