رابرټ ګيټس : په افغان پوله دتندلارتوب څخه ژغورنې دپاره پاکستان ته نور وخت ورکول پکار دي

امريکاوايي دافغانستان اؤپاکستان په ګډه پوله دتندلارتوب څخه دژغورل کيدو دپاره دپاکستان نوى حکومت نور وخت ته اړتيالري.
سينګاپورکې سيمه ايز امنيتي کانفرنس د وينا په مهال دامريکا ددفاع وزير رابرټ ګيټس وويل دپاکستان نوي حکومت په ټولټاکنوکې د بريالي توب ترلاسه کولو وروسته دځايي طالبانوسره خبرې اترې پيل کړې دي.
دهغه وينا وه چې دپاکستان نوي حکومت ته به دترهګرۍ اؤ تندلارتوب د لۀ مينځه وړلو دپاره نور وخت هم ورکول وي.
ښاغلي ګيټس دغه څرګندونې په داسې حال کې کړې دي چې تيره ورځ دامريکا د کورنيو چارو د وزارت وياند ټام کيسي په واشنګټن کې ژورنالستانو ته وئيلي وؤ امريکا دپاکستان دنوي دولت لۀ خوا په قبائيلي سيمو کې د تندلارو سره په کيدونکيو لوظنامو شکمنه ده