لاس رسیدونکی لینک

Breaking News

د پاکستان پوځ: د ایي اېس ايي پخوانی مشر دې له ملک نه بهر تگ ته پرېنښودل شي


د ایي اېس ایي پخوانی مشر، ریټایرډ جنرل اسد دراني

د پاکستان پوځ نن د گل ـ دوشنبې په ورځ د داسې یوې محکمې د جوړېدو دستور ورکړ چې هغه به د ايي اېس ايي د پخواني مشر، ریټایرډ جنرل اسد دراني په تازه چاپ شوي کتاب کې افشا شوي رازونه وپلټي. پوځ همدا راز له حکومت نه غو‍ښتي چې د اسد دراني نوم دې له هیواد نه د وتلو د منعه شوي کسانو په لیست کې شامل کړي.

اسد دراني د ١٩٩٠ کال د اگست له میاشت نه بیا د ١٩٩٢ کال د مارچ میاشتې پورې، د پاکستان د استخباراتو ادارې یا ايي اېس ایي مشر پاته شوی و. هغه په دې وروستیو کې د هند د استخباراتي ادارې (را) له پخواني مشر، امرجيت سينګهـ دلت سره په يو شمېر جنګي رازونو په ګډه کتاب ليکلی دی.

دغه کتاب چې (سپايي کرانيکلز: را ، ايي اېس ايي اېنډ ایلوژن اف پيس) نوميږي پکې د اسد دراني په اړوند د ترهګرۍ، کشمير د لانجي، ممبۍ ترهګر بريدونو او يو شمیر جنګي چالونو په اړه څرګندونې شوي دي.

د پاکستان د پوځ مطبوعاتي دفتر نن په یو جاري شوي بیان کې وویل چې ریټایرډ جنرل اسد درانی جي اېچ کيو ته وبلل شو چې د (سپايي کرانيکلز) کتاب په اړوند سپيناوی وکړي.

د بیان له مخې، «یوه رسمي د پلټنې محکمه چې مشریي یې د یو برحاله لفټیننټ جنرل پرغاړه وي»، د ښاغلي دراني اړوند قضیه به په تفصیل سره وڅیړي. د دراني د نوي چاپ شوي کتاب پر خلاف، یو شمیر پخواني پوځي افسرانو په ټلویژنونو کې هم بحثونه کړي او پر ښاغلي دراني یې نیوکې کړې دي.

XS
SM
MD
LG