لاس رسیدونکی لینک

Breaking News

پي ډي اېم د وزیراعظم د اعتماد دپاره د قومي اسمبلۍ د غونډې نه بایکاټ اعلان کړو


د پي ډي اېم مشر مولانا فضل الرحمان د قومي اسمبلۍ د غونډې د بایکاټ ترڅنګ د نویو عامو انتخاباتو غوښتنه هم وکړه

په داسې حال کې چې صدر وزیراعظم عمران خان ته د اعتماد ووټ ورکولو دپاره د قومي اسمبلۍ غونډه د خالي، شنبې، په ورځ رابللي ده، د حکومت مخالف سیاسي ګوندونو اتحاد پاکستان ډېموکرېټک مومنټ، پي ډي اېم، د اسمبلۍ نه غونډې نه د بایکاټ اعلان وکړو.

د یولسو سياسي ګوندونو اتحاد مشر مولانا فضل الرحمان د جمعې په ماښام کې مطبوعاتو ته وویل چې د پي ډي اېم غړي به د قومي اسمبلۍ په غونډه کې شرکت نه کوي.

وزیراعظم عمران خان
وزیراعظم عمران خان

صدر عارف علوي د جمعې په ورځ د عمران خان د دې اعلان نه وروسته د قومي اسمبلۍ غوڼده راوبلله چې هغه به د قومي اسمبلۍ نه د اعتماد ووټ اخلي.

د اطلاعاتو مرکزي وزير شبلي فراز ویلي اپوزيشن ولې د قامي اسمبلۍ د غونډې نه تښتى او د ساينس او ټېکنالوژۍ وزیر فواد چوهدري مخالف ډلو ته په اشاره وېلي دوی سره د عمران خان د مقابلې حوصله نشته. مطبوعات وايي د وزير اعظم عمران خان په مشرۍ کې شوې د تحريک انصاف او د حکومت د اتحادي ډلو په غونډه کې 180 غړو وزیر اعظم ته د خپل ملاتړ باور ورکړی دی.

د 342 غړو په ايوان کې وزير اعظم عمران خان له د اعتماد د تحريک د کامیابۍ لپاره 172 ووټونه پکار دي

د قانون دلاند په قومي اسمبلۍ کې د اعتماد ووټ به د څرګندې رای ورکولو په زریعه ترسره کېږي.

د قومي اسمبلۍ نه د پي ډي اېم د بایکاټ په اړه داتحاد مشر مولانا فضل الرحمان وویل د یوسف رضا ګیلاني د ګټې په صورت کې په حکومت عدم اعتماد وشوهغه د نویو عامو انتخاباتو اعلان هم وکړو.

پخوانی وزیراعظم يوسف رضا ګیلاني
پخوانی وزیراعظم يوسف رضا ګیلاني

مولانا فضل الرحمان وویل د قومي اسمبلۍ په غوڼده کې د حزب اختلاف د غېر موجودګۍ په صورت کې به اسمبلۍ هیڅ حېثیت نه وي.

د پي ډي اېم مشر وویل عمران خان ویلي چې د ګوند د قومي اسمبلۍ غړو یې ووټونه په پېسو خرڅ کړي دي او اوس هم ددغو غړو نه د اعتماد رای اخیستل غواړي.

د وي او ای اردو رپورټ وايي د دې نه وړاندې خپله حزب اختلاف د عمران خان په ضد د عدم اعتماد تحریک وړاندې کولو اعلان کړی و او د پېپلز پارټۍ مشر بلاول بهټو زرداري د زیارت، پنجشنبې، په ورخ مطبوعاتو ته ویلي وو چې عمران خان اعلان کړی و چې که د اسلاباد د سېنټ انتخاب بې و بېلو نه اسمبلۍ به تحلیل کړي نو ځکه د اعتماد د ووټ په ځای دې نوی انتخابات وکړي شي.

XS
SM
MD
LG