پیپلز گوند صدراعظم خوښ کړی، اسمبلي به په  ٢۴م غونډه کوي

د پیپلز گوند یو غړي نبیل احمد گبول مطبوعاتو ته ویلي دي چې گوند یې صدراعظم په نوم موافعقه شوی دی او د نوم اعلان به د گوند مشر او د وژل شوي صدراعظمې بې نظیر بوټو زوی بلاول بوټو زرداري کوي.
د پاکستان جمهوررئیس پرویز مشرف صدراعظم ټاکنو لپاره د قامي اسمبلۍ غونډه مارچ په٢۴م نیټه بللې ده.
د اتلسمې فرورۍ ټاکنو وروسته پیپلز گوند د قامي اسمبلۍ ټولو نه زیاتې څوکې تر لاسه کړي دي تر اوسه د صدراعظم په نوم صلاح شوي نه دي.
داسې راپورنه دي چې د گوند مرستیال مشر او د بې نظیر بوټو خاوند اصف زرداري او د گوند یو مهم غړي مخدوم امین فیهم تر منځ د صدراعظم په نومولو اوس هم شخړه روانه ده.
په لومړۍ غونډه کې د سپیکر او مرستیال سپیکر ټاکنې شوې دې.
په دغه ټاکنو کې د پاکستان په پارلماني تاریخ کې په لومړي ځل د پیپلز گوند یوه ښځه ډاکټر فهمیده مرزا د قامي اسمبلۍ سپیکر ټاکل شوې ده.
ميرمن مرزا دسپيکر په ټاکنو کې ٢٤٩ رايې اخستې وې د هغې سیال اسرار ترين ٧٠ رایی اخستی وې. د مرستیال سپیکر څوکې د پیپلز گوند فیصل کریم کنډي تر لاسه کړې ده.