د امریکې خارجه وزیر اېنتني بلېنکن ویلي د امریکې او چین تعلقات د دینا ذد موجوده پېړۍ د "جیو پولېټېکل" یا د سیاسي چارو تر ټولو لوی امتحان دی.
اېنتني بلېنکن د خارجه چارو په موضوع په سټېټ ډپارټمنټ یا په خارجه وزارت کې یو اهم تقریر کوونکی دی.
د شور، چهارشنبې، په ورځ د هغه د وېنا ځینې مهم ټکي شایع کړی شول چې وايي د صدر جوبایډن حکومت په د چین سره د امریکې په تعلقاتو کې طاقتور دریځ خپلوي.
اېنتني بلېکن وویل د دغه طاقت ور دریځ دپاره به امریکا د سفارتکارۍ نه کار اخلي او په نړیوالو تنظیمونو کې به بیا شاملېږي ځکه چې امریکا کوم ځای خالي کړي چین یې ډک کړي.
اېنتني بلېنکن وویل امریکا به د چین سره همکاري، مرسته او که ضروري وه نو د سیال رویه به هم کوي.
د وي او ای رپورټ وايي د بېلنکن تقریر به د نړیوالو تعلقاتو په اړه د صدر بایډن تګلاره هم واضحه کړي چې په نړیوال کچه د امریکې مضبوطیا او د سفارتکارۍ د لارې د رهنمايي هدف لري.
د وي او ای رپورټ وايي د خپل صدرات په مهال د جوبایډن پېش رو، پخواني صدر ډانلډ ټرمپ، د بېجنګ سره د تجارت په مسله جنګ شروع کړی و، کرونا وایرس به یې چاینا وایرس به نامه بللو او په ساوت چاینا سي یا جنوبي چین په سمندر یې د چین د ملکیت مخالفت کولو.
د چین نه علاوه پخواني صدر د کرونا وایرس په سر د ملګرو ملتونو د صحت اداره ورلډ هېلت ارګناېزېشن کې د امریکې غړېتوب ختم کړی و، د چاپیریال د تحفظ نړیوالې لوظنامې پېرې اېګریمڼت نه امریکا وېستلي وه او هم دغه رنګ د نېټو سره هم د ډانلډ ټرمپ د صدارت په وخت د امریکې تعلقات د تاوتریخوالي سره مخامخ شوي وو.
صدر بایډن د پېرس په معاهده کې امریکا بیا شامله کړې او حکومت يې وايي د اتحادیانو سره د پخواني صدر په وخت کې د کړکېچ ښکار شوي تعلقات به بیا سموي.
پخواني صدر د ایران سر د اېټمي معاهدې نه هم امریکې وېستلي وه خو اېنتني بلېنکن تېره میاشت وویل د صدر بایدن حکومت غواړی چې د ایران اېټمي معاهده نور قوي او پراخه کړي.
