امریکا ویلي تر څو ایران د ایټمي لوظنامې ټول شرايط پوره نه کړي د سویلي کوریا لخوا به ورته د اربونو ډالرو جاري کولو مخالفت جاري ساتي.
د تېلو د خرڅ په بدله کې دا پېسې د سویلي کوریا حکومت وروسته له هغې نیولي چې په کال ۲۰۱۸ کې د امریکې پخواني صدر ډانلډ ټرمپ د ایران سره د نړیوالې اېټمي لوظنامې نه د وتلو اعلان وکړو.
سویلي کوریا تېره میاشت ویلي وو د امریکې د منظورۍ نه پس به ایران ته د تېلو پېسو ورکړي.
د سویلي کوریا سره د ایران د تېلو د پېسو په اړه د امریکا خارجه وزیر اېنتني بلېنکن د کانګرس د خارجه چارو کمېټۍ ته ویلي که ایران د اېټمي معاهدې شرطونو د خلاف ورزو نه واپس شي نو امریکا به هم په تهران لګولی شوي بندیزونه لېرې کړي.
خو د امریکا صدر جوباېډن لخوا د اېټمې معاهدې په مشروطه ډول بحالولو د اعلان په ځواب کې ایران ویلي وو چې لومړی دې باېد په دوی لګول شوي بندېزونه لرې کړی شي.
اېنتني بلېنکن د کانګرس کمېټۍ ته ویلي چې اوس بال د ایران په کورټ کې دی او ګوري به چې ایران څومره سنجیده دی. هغه ویلي که ایران د معاهدې د خلاف ورزیو نه پشانشي نو ددې وړاندیز سره ترلی ګټې هم نشي پورته کولی.
د جوباېډن د انتظاميي د ایران د چارو په اړه یو بل چارواکي روب مېلی ددې نه وړاندې ویلي وو چې د ایران سره د کال ۲۰۱۵ د اېټمي تړون د بیا تازه کولو په لړ کې په واشنګټن څه تادي نشته.
دغه چارواکي ویلي وو چې د امریکا لخوا د وړاندې کړل شوي تجویز د ایران د راتلونکو ټاکنو سره څه تعلق نشته او ګوري به چې د امریکا ګټې په څه کې دي؟
