بارکوال میاخېل

افغان وزارت: د افغان کډوالو د وخت زیاتولو لپاره به پلاوی پاکستان ته ځي

په پاکستان کې د هغو افغان کډوالو- چې د ملګرو ملتونو له ادارې یو.این.ایچ.سي.آر سره رجسټر دي- د اوسېدو رسمي موده د تېر ۲۰۱۷م کال د دیسمبر پر ۳۱مه پای ته ورسېده

رپورټ: په فاټا کې په کال ٢٠١٧ م کې د تشدد په پېښو کې اضافه شوي وه

رپوټ وایي چې د تشدد په پېښو کې تر ټولو زيات عام خلک په نخښه کړل شوي دي او د ٢٠١٦م کال په مقابل کې په ٢٠١٧م کال کې د عامو خلکو په مرګ ژوبله کې ٣٧ فيصده زیاتوالی راغلی

مردان: شمس القمر اندېش تر مرګ وروسته ولمانځل شو

ووټل: امریکه په پاکستان کې یواړخیز عملیات نه کوي

د پاکستاني پوځ د مطبوعاتو څانګه وایي، امریکایي جنرل له پاکستانه وغوښتل، چې د هغو افغانانو په قابو کولو کې ورسره مرسته وکړي، چې د پاکستان خاوره د افغانستان په ضد کاروي او د امریکایي جنرل په وینا دې کار د ترهګرۍ په ضد جګړه کې د پاکستان اغېز کمزوری کړی دی.

ملګري ملتونه: شاولیکوټ کې د پولیوکمپاین په مهال طالبانو سره په تماس کې وو

په دې ولسوالۍ کې تېر کال د پولیو ۵ مثبتې پېښې درج شوې دي، چې دا د نړۍ په یوه سیمه کې تر ټولو لوړه شمېره ده.

ټرمپ: انتخاباتي کمپاین کې د روس لاسوهنه "جمهوري درواغ" دي

د امریکې استخباراتي ادارې د تېر کال د صدارتي ټاکنو تر ارزونې وروسته په دې نتیجه رسېدلې وې، چې روس په انتخاباتي کمپاین کې لاسوهنه کړې وه او هڅه یې کړې وه چې مېرمن هېلري کلینټن د ټرمپ په وړاندې ماتې وخوري.

۵۴۴ ووټونه اخستونکی د بلوچستان راتلونکی اعلا وزیر

د اواران سیمې د ووټ ورکوونکو شمېر ۵۷۶۶۶ دی، خو خپلواکي غوښتونکو بلوڅانو چې په دې سیمه کې له انتخاباتو بایکاټ اعلان کړی وو، نو په ټاکنو کې د خلکو برخه یواځې ۱.۱۸ فیصده وه او ښاغلی بزنجو د ۵۴۴ ووټونو په اخیستو بریالی شو.

د زینب او برېښنا د وژنو په ضد پېښور کې احتجاجونه

په پېښور کې د سیاسي ګوندونو، وکیلانو او مدني فعالانو له خوا بېلې- بېلې احتجاجي مظاهرې شوې دي، چې د زینب او برېښنا وژنه یې په کلکه غندلې او دا ډول پېښې یې د دې اسلامي هېواد پر مخ تور داغ بللی دی.

عمران: زما ګناه دا ده چې درېیم واده کوم

عمران خان د سه شنبې په ورځ په خپلو تازه ټویټونو کې وویل چې په رسنیو کې د ده د اولادونو او د بشرٰی بېګم د کورنۍ په اړه د خلکو تبصرو اندېښمن کړی او حیران دی چې آیا ده غلا کړې ده که څنګه چې د واده موضوع یې دومره زیاته څېړل کېږي

سېنټ کمېټۍ: په دفترونو کې د ښځو پر ځورونو اندېښمن یو

په پاکستان کې ۲۰۱۰م کال کې د منظور شوي قانون له مخې د ملازمت کوونکو ښځو په ځورونو تورنو مجرمانو لپاره درې کاله قید او ۵۰۰۰۰۰ روپۍ سزاګانې ټاکل شوي دي

کوټه: ځانمرګي برید کې د پولیسو په شمول ۶ وژل شوي، ګڼ ټپیان

په کوټه کې چاودنه په داسې حال شوي چې د صوبې اعلا وزیر ثنا الله زهري د خپلې څوکۍ نه استعفا ورکړې ده. په صوبه کې سیاسي کړکیچ د وزیراعلا خلاف په صوبايي اسمبلۍ کې د عدم اعتماد تحریک د وړاندې کیدو په نتیجه کې راپورته شوی و

وزیراعظم عباسي د بلوچستان د وزیراعلی په ژغورلو کې ناکامه ښکاري

وزیراعظم شاهد خاقان عباسي د خپل ګوند د مشر نوازشریف په امر د سوموار په ورځ کوټې ته تللی او غوښتل یې چې هلته یوه غونډه را وبولي، خو دې غونډې ته د اپوزیشن ګوندونو د مشرانو په شمول د مسلم لیګ (ن) ګوند هغو کسانو هم له ورتګه انکار کړی، چې د بې باورۍ د تحریک ملګري دي

پېښور کې امریکاضد احتجاج; حافظ سعید او پروېزخټک هم ورته غږېدلي

دغه احتجاجي غونډه چې د پېښور پر (دله زاک) سړک شوې، د مذهبي ګوندونو سلګونو کسانو پکې ګډون کړی دی. غونډه د (تحفظ بیت المقدس) تر سرلیک لاندې شوې ده او ویناوالو یې د امریکې دا ګام په کلکه غندلی، چې بیت المقدس یې د اسرایلو پلازمېنه اعلان کړه. دوی ویلي چې د امریکې دا کار د فلسطین د ازادۍ خلاف دی

پاکستان: که څوک ناقانونه ډلو ته چندې ورکړي سزا به ورکړل شي

په اشتهار کې خلکو ته خبرداری ورکړل شوی، چې که دغو ډلو ته خیرات او صدقې ورکړي، نو قانوني چلند به ورسره وشي. د اشتهار په یوه برخه کې راغلي، چې ناقانونه اعلان شوو ډلو ته د مرسته او خیرات ورکوونکو کسانو جایدادونه به ضبط کړل شي

وزیراعظم بلوچستان کې د سیاسي بحران د حل لپاره کوټې ته ځي

سرچینې وایي د پاکستان وزیراعظم شاهد خاقان عباسي به د جنورۍ په اتمه یا نهمه بلوچستان ته لاړ شي او هلته به د خپل ګوند د وزیراعلی په ملاتړ یوه غونډه را وبولي

د پاکستان لپاره د امریکې مرستو ځنډولو په اړه په ټولنیزو رسنیو نظرونه

یو بل امریکايي څېړنکار جیف هیرس پر ټویټر لیکلي، چې پاکستان کله هم د اسلامي ترهګرو مرسته نه ده پرېیښې.

افغانستان کې په ۲۰۱۷م کال کې ۲۱ خبریالان وژل شوي

په افغانستان کې د بیان د ازادۍ او د خبریالانو د حقونو لپاره کارکوونکې ټولنې (نی) په خپل وروستي رپوټ کې ویلي، چې په تېر کال کې یې د دې هېواد په بېلابېلو سیمو کې د خبریالانو په ضد د تشدد د پېښو ۱۴۱ مقدمې درج کړې دي.

بلوچستان اسمبلۍ کې سیاسي بحران که د سېنټ ټاکنو ته رسه کشي؟

کېدای شي امریکا له پاکستان سره مرسته نن وځنډوي

دا اعلان تر هغه یوه ورځ وروسته کېږي، چې سپینې ماڼۍ پاکستان د ترهګرۍ په ضد جګړه کې په "دوه مخۍ" تورن کړ او اسلام اباد ته یې خبرداری ورکړ، که غواړي د امریکې مرسته تر لاسه کړي، نو "باید نور څه هم وکړي".

ولسمشر ټرمپ ته د پاکستاني پوځ او حکومت جلا غبرګونونه

د پاکستان د حکومت برعکس پاکستاني پوځ د ټرمپ د څرګندونو په اړه ډېر تېز عکس العمل نه دی ښودلی. د پوځ ویاند مېجر جنرل آصف غفور د چارشنبې په ورځ ویلي، واشنګټن باید په دې پوه شي، چې د امریکې او پاکستان تر منځ غلط فهمۍ په سیمه خصوصاً په أفغانستان کې پر امنیتي حالاتو منفي اغېز کولای شي