لاس رسیدونکی لینک

Breaking News

راتلونکو انتخابونو مخالف ډلې ویشلي دي


په داسې حال کې چې دَ پاکستان جمهوررئیس پرویز مشرف دَ غیر پوځي جمهور رئیس په توگه کار پیل کړی دی او قام ته یې په خپله لومړۍ وینا کې دَ 16م دسمبر نه د بیړني حالت اوچتولو ژمنه څرگنده کړې ده دَ پاکستان مخالف گوندنه په دواو غټ برخو کې تقسیم شوی دي.
دَ پاکستان پیپلز گوند مشرې میرمن بوټو د جمهوررئیس مشرف ورستیو گامونو هرکلی کړی دی او وایي چې دهغې گوند به راروانو ټاکنو کې برخه اخلي.
خو دَ پاکستان مسلم لیگ ‏(‎ن‏) گوند‎ مشر نواز شریف چې دَ ای پي ډي ایم غورځنگ مشر هم دې د ټاکنو د بایکاټ اعلان کړی دی. ښاغلي شریف دریځ دې چې پرویز مشرف دې په سمدستي توگه بیړنې حالت اوچت کړې او دَ سترې محکمې هغه قاضیان چې دَ بیړني حالت قانون تر مخه یې سوگند پورته کړې نه دی په خپل څوکیو پر ځاېې کړې شي.
دَ مذهبي گوندونو ایتلاف ایم ایم ای هم په دواو ډلو کې تقسیم شوي دی دَ جمیعت علماء اسلام ‏(‎ف‏)‎ گوند مشر مولانا فضل الرحمن گوند انتخابونو کې د گډون فیصله کړې ده خو دَ ایتلاف یو بل مهم گوند دَ جماعت اسلامي مشر قاضي حسین احمد دَ انتخابونو بیکاټ کړې دې.
دَ پاکستان عوامي نیشنل گوند چې دَ ای پي ډي ایم غورځنگ برخه هم ده انتخابونو کې دَ برخه اخستو پریکړه کړي ده. دَ عمران خان تحریک انصاف گوند او دَ محمود خان اچکزي پښتونخوا ملي عوامي گوند دَ انتخابونو دَ بیکاټ فیصله کړي ده.

XS
SM
MD
LG