پاکستان او هندوستان ویلي په کشمیر کې به د دواړو ملکونو ځواکونه په یو بل حملې نه کوي او په سیمه کې به د دواړو ملکونو ترمنځ د کال ۲۰۰۳ د ډزبندۍ د معاهدې احترم کوي.
دواړو ملکونو د زیارت، پنجشنبې، په ورځ په مشترکه بیان کې وویل د هندوستان او پاکستان لوړ رتبه پوځي کمانډرانو د دواړو ملکونو ترمنځ د موجوده مواصلاتي نظام دلارې رابطه وکړه او په ازاده او د ملګرتیا په فضا کې یې د لاین اف کنټرول کرښې په صورتحال خبرې وکړې. دغه کرښه کشمیر د هندوستان او پاکستان د انتظام لاندې برخو کې تقیسموي.
د پاکستان پوځ مطبوعاتو سره شریک کړی شوي بیان کې وویل دواړو ملکونو اتفاق ترلاسه کړو چې د فېبرورۍ د ۲۴ او ۲۵ ترمنخ د نېمي شپې نه به په ډز بندۍ، د ټولو معاهدو او د اېل او سي او په نورو برخو کې د مفاهمتونو پابندي کوي.
د پوځ په بیان کې وویل شوو چې د دواړو ملکونو د ګټې او د دوامداره امن په غرض به دواړه ملکونه د یو بل هغه مسلې او تشویش لېرې کوي چې له امله یې امن خرابېږي او تشدد راپارېږي.
پوځ وویل هندي او پاکستاني پوځي کمانډران به د دواړو ملکونو ترمنځ د موجوده معاهدو او انتظام د لاندې د یو بل سره خبرې او سرحدي مامورین د ملاقاتونو په زریعه غېرمتوقع حالات او غلط فهمۍ لېرې کولی شي.
د وي او ای رپورټ وايي د تېرو څو میاشتو د تاوتریخوالې وروسته دا لومړی ځل و چې هندي او پاکستاني پوځي کمانډرانو د یو بل سره رابطه وکړه.
د پاکستان خارجه وزیر شاه محمود قرېشي هندوستان سره په اېل او سي د مفاهمت ستاینه وکړه او دا یې د سیمه اییز امن د پرمختګ دپاره اهم ګام وبللو.
په هندوستان کې څېړونکو هم د موافق نامې هرکلی وکړو.
په نوي دلي کې دي هندو ورځپاڼې مدیر امیت بروها وویل دا یو ښه پرمختګ دی او پکار ده چې د دې نه مخکې شوی و. هغه وي او ای ته وویل چې د دواړو ملکونو ترمنځ د ولس په ګټه وي.
هندوستان او کشمیر کې په مشترکه پوله په لویه شمېره کې عسکر په ځای کړي دي او د دواړو پوځونو ترمنځ نښتې عامه خبره ګڼل کېږي.
په کال ۲۰۰۳ کې دواړو ملکونو په لاین اف کنټرول د ډزبندۍ دپاره معاهده وکړه.
هندوستان وايي پاکستان په کشمیر کې د هغه وسله والو ډلو ملاتړ کوي چې د هند خلاف جنګیږي پاکستان دا خبره ردوي او وايي هندوستان په کشمیریانو د خپلو ظلمونه توجه لېرې کولو دپاره دغه ډول تورونه پورې کوي.
هندوستان ټایمز ورځپاڼه په خپل رپورټ کې وايي د دواړو ملکونو ترمنځ ورستی مفاهمت د بېک چېنل کانورسېشنز یا د خفیه مکالمې نتیجه ده چې پکې د هندوستان د قامي سلامتیا مشیر اجیت دول د خپل پاکستاني هم منصب معید یوسف سره رابطې کولې.
معید یوسف د هندوستان سره مفاهمت د هغه په قول د پاکستان د امن سفارتکارۍ بریا وبلله.
