عدنان بېټنی

په جنوبي وزیرستان کې د نا امنۍ پر ضد ستره ولسي غونډه شوې چې د منظور پشتین په ګډون په کې ګڼو مشرانو او په زرګونو کسانو ګډون کړی.

په کوز جنوبي وزیرستان کې د نا امنۍ پر ضد او د امن لپاره ستره ولسي غونډه شوې چې پکې په زوره د بې درکیو، د پیسو لپاره د خلکو تښتولو او د هدفي وژنو د مخنیوي پرضد غږ پورته شوی.

د چارسدې يو عدالت د علي وزیر د ضمانت خواست رد کړی

د خېبرپښتونخوا د چارسدې ضلعې یو عدالت د قومي اسمبلۍ غړي او پښتون ژغورنې غورځنګ د مخکښ علي وزير په ضمانت د خوشي کولو خواست رد کړی، د هغه وکیل شېر افضل مروت وایي عدالت د علي وزير د ضمانت په خواست پرون فېصله محفوظه کړې او نن يې واوروله.

ډیره اسماعیل خان کې دپولیو ټیمونو په ساتنه مامورو پولیسو باندې بریدونه شوي

بنو: جاني خېلو کې د ناامنۍ ضد د ولسي پاڅون غونډه شوې

د خېبرپښتونخوا په بنو جاني خېل کې د ناامنۍضد لویه احتجاجي غونډه شوې احتجاج کونکو ویلي د ناامنۍ سره مخ دي د علاقې خلک په بې رحمۍ سره وژل کیږي خو دوی ته تحفظ نه ورکول کیږي.

د وزیرستان د امن، مینې او یووالي نخښه او مشهور ډول وهونکی زارې استاد مړ شو

شمالي وزیرستان: د پوځ پر پوسته ځانمرګي برید پینځه پوځیان ژوبل کړي، ذمه واري یې لا چا نه ده منلې

شهباز شريف: د صوبايي حکومتونو او امنيتي ځواکونو په مرسته به د ترهګرۍ خطره ختمه کړل شي

د پاکستان وزيراعظم شهباز شريف د شورو په ورځ د خېبرپښتونخوا جنوبي ضلعې ډېره اسماعیل خان کې یوې د ستورې ته په وینا کې ویلي  په څو ورځو کې به د قامي سلامتيا غونډه رابلل کيږي او د صوبايي حکومتونو او امنيتي ځواکونو په مرسته به د ترهګرۍ خطره ختم کړل شي.

د میرانشا اوسیدونکو د تورو بېرغونو په لاس د خپلو حقونو غوښتو دپارہ احتجاج کړ‎ی

دافتونو په وخت د نظم ساتنې ادارې پي ډي ایم د مې د میاشتې نه وروسته د 6000 نه زیاتو د شمالي وزیرستان د بې کوره کورنیو مرستې تړلي چې ویلي یې وو د دوی علاقې پرانستل شوي او دوی دې بېرته خپلو سیمو ته ستانه شي

کوزه جنوبي وزیرستان کې امنیتي اؤ انتظامیي چارواکو ځایي مشرانو سره دامنیت په اړه جرګه کړې ده

بنو: پوځ د سي ټي ډي په مرکز عملیاتو کې د 25 ترهګرو وژلو دعوه کړې، درې پوځيان هم وژل شوي

د پاکستان د پوځ وياند مېجر جنرل احمد شريف ويلي په بنو کې د سي ټي ډي په يرغمال شوي مرکز د عملياتو په مهال پوځ 25 ترهګرو وژلي، اووه تسليم شوي او درې ګرفتار شوي دي. پوځي وياند د وسله والو سره په جګړه کې د یو صوبېدار په ګډون د درېو عسکرو وژل کېدل هم تاييد کړي دي.

رپورټ: د دفاع وزیر خواجه اصف وايي د بنو په سي ټي ډي تاڼه کې ټول "ترهګر" وژل شوي دي

د شمالي وزیرستان مرکزي ښار میرانشاه کې په ډزو د ویشتل شوو  دوو کسانو مړي موندل شوي  او په تانک ضلع کې د دوو کسانو سرونه غوڅ  کړل شوي دي او د جاسوسۍ الزام پې لګول شوی دی. دغه کسان د تانک ضلعې د منځۍ سیمې ځایي اوسیدونکي دي

جنوبي وزیرستان: د واڼه په پولیس تاڼه وسله وال بريد شوی

د خېبرپښتونخوا د کوز جنوبي وزیرستان په مرکز واڼه کې وسله والو تيره شپه د واڼه په پولیس تاڼه بريد کړی، چې پکې يو پوليس اهلکار ژوبل شوی دی. تحریک طالبان پاکستان/ ټي ټي پي د بريد زمه واري منلې ده.

شمالي وزیرستان: دوه ځایي کسان د نامعلومه وسله والو لخوا په هدفي توګه وژل شوي دي

دجنوبي اؤ شمالي وزیرستان مشرانو دعلي وزیر راخلاصولو لپاره جرګه کړې ده

بره جنوبي وزیرستان: ماين چاودنه کې یو ماشوم وژل شوی بل ژوبل

د افغانستان سره په پوله پرتې د خېبرپښتونخوا په قبايلي ضلع بره جنوبي وزيرستان کې په یوه ماين چاودنه کې يو ماشوم وژل شوی او بل ژوبل شوی چې عمرونه یې نزدې اته او لس کاله دي.

ځايي خلک وايي د ترهګرۍ له امله لکي مروت نه ګڼو خلکو کډې کړې دي

ټي ټي پي په بنو کې د پوليس عسکر د وژلو ذمه واري منلې

په بنو کې په وسله وال برید کې یو پولیس اهلکار وژل شوی تحریک طالبان پاکستان [ټي ټي پي]  یې زمه واري منلې ده، د بنو په جاني خېل کې تیره ورځ هم دوه کسان په هدفي برید کې وژل شوي وو.

ډېره اسماعیل خان کې د پولیسو د ضلعي مشر په کاروان ترهګریز برید شوی، یو عسکر ژوبل

ټانک کې د ناامنۍ احتجاج شوی، بنو کې د پي ټي اېم دوه مشران غړي نيول شوي

په ټانک ضلع کې د ناامنۍ اوبنیادي اسانتیاو د نشتوالي پرضد کاربندیز او احتجاجي مظاهره شوې بل لور ته د ډېره اسماعیل خان په درازنده سیمه کې د تښتول شوي تن انصاف شیراني معلومولو دپاره احتجاجي پرلت پېل کړی او غوښتنه کوي چې د هغه په تښتولو کې ککړ کسان دې معلوم شي.

بنو کې د جاني خیلو احتجاجي مظاهره، وایي د امن غوښتنه یې نه ده منل شوې، بیا پرلت پیلوي